የግላዊነት ፖሊሲ

DineHub የሚመራው በKoooly ነው። ምግብ ቤቶች ትዕዛዝ ለመቀበል፣ ኩሽናቸውንና ባራቸውን ለማስኬድ፣ ክፍያ ለመቀበል እና የእንግዶቻቸውን የታማኝነት ነጥቦች ለመያዝ ይጠቀሙበታል። እያንዳንዱ ምግብ ቤት DineHubን እንዴት እንደሚጠቀም ይወስናል፤ Koooly ደግሞ አገልግሎቱን ለእነሱ ያስኬዳል።

አካባቢዎን፣ የስልክ ማውጫዎን፣ በስልክዎ ያሉ ፎቶዎችን ወይም የክፍያ ካርድ መረጃዎን አንሰበስብም። DineHub ምንም የማስታወቂያ ወይም የመከታተያ መሣሪያ የለውም።

• ትዕዛዝዎን ወደ ኩሽናና ባር ለማድረስ፣ ወደ ጠረጴዛዎም ለማምጣት።
• ሰዎች እንዲገቡ ለማድረግ እና መለያዎችን ደህንነታቸው ተጠብቆ ለማቆየት።
• ለሰራተኞች ማሳወቂያ ለመላክ፦ ትዕዛዝ ሲደርስ፣ እንግዳ ሲጠራ፣ ሂሳብ ሲጠየቅ።
• የታማኝነት ፕሮግራሞችን ለማስኬድ፦ ነጥቦች፣ ሽልማቶችና ኮዶቻቸው።
• እያንዳንዱ ምግብ ቤት የራሱን ትዕዛዞች፣ ሽያጭና አስተያየቶች እንዲያይ።
• ንግዶችን ለDineHub ለማስከፈል፣ ጥያቄዎችን ለመመለስና ችግሮችን ለመፍታት።

መረጃዎን በፍጹም አንሸጥም፤ ለማስታወቂያም አንጠቀምበትም።

• ትዕዛዝ የሚሰጡበት ምግብ ቤት ትዕዛዝዎንና የነገሩትን ያያል። እያንዳንዱ ሰራተኛ ሥራው የሚፈልገውን ብቻ ያያል፤ ደረጃዎችና አስተያየቶች ደግሞ ወደ ሥራ አስኪያጆቹ ይሄዳሉ።
• DineHubን የሚያስኬደው የKoooly ቡድን፣ ምግብ ቤቶችን ለመደገፍ እና አገልግሎቱ እንዲሰራ ለማድረግ።
• የአገልግሎቱን ክፍሎች ለእኛ የሚያስኬዱ እና መረጃውን ለዚያ ብቻ የሚጠቀሙ ኩባንያዎች፦ Google Firebase ማሳወቂያዎችን ወደ ሰራተኞች ስልክ ያደርሳል፤ Cloudflare የሜኑና የማስተዋወቂያ ምስሎችን ያስቀምጣል፤ አንድ የሆስቲንግ ኩባንያ ደግሞ ሰርቨሮቻችንን ያስኬዳል።
• ሕግ ካላስገደደ በስተቀር ሌላ ማንም አያየውም።

ከጠረጴዛው የሚከፍቱት ገጽ እንደገና መጻፍ እንዳያስፈልግዎ ጥቂት ነገሮችን በስልክዎ ብራውዘር ውስጥ ያስቀምጣል፦

• ስልክ ቁጥርዎን፣ ለ12 ሰዓት፤
• ስምዎን፣ ለረዘመ ጊዜ፣ በዚያው ቁጥር ብቻ ዳግም የሚቀርብ፤
• ቋንቋዎን፣ አማርኛ ወይም እንግሊዝኛ፤
• ከገቡ፣ የታማኝነት መለያዎ መግቢያ፤
• ኔትወርክ በሌለበት የሰጡት ትዕዛዝ፣ እስኪላክ ድረስ።

የብራውዘርዎን መረጃ ማጽዳት እነዚህን ያጠፋቸዋል። የDineHub አስተናጋጅ መተግበሪያ መግቢያውን በስልኩ የተጠበቀ ማከማቻ ውስጥ ያስቀምጣል፤ ሲወጡም ያጠፋዋል።

• ሁሉም መረጃ በስልክዎ ወይም በኮምፒውተርዎ እና በDineHub መካከል ተመስጥሮ ይጓዛል።
• የይለፍ ቃሎች እንደተጻፉ ሳይሆን ተቀይረው ይቀመጣሉ።
• እያንዳንዱ ሰው ሚናው የሚፈልገውን ብቻ ያያል፤ አስተዳዳሪዎች የሚያደርጓቸው ለውጦችም ይመዘገባሉ።

• እንግዶች ከጠረጴዛ የሚሰጧቸው ትዕዛዞች ከተከፈሉ በኋላ ከእንግዳው ስልክ ቁጥር ጋር ለተወሰነ ጊዜ ይቀመጣሉ፤ ከዚያም ይሰረዛሉ። ይህን ጊዜ DineHub ይወስናል፤ ሊቀይረውም ይችላል።
• ሰራተኞች የሚቀበሏቸው ትዕዛዞች ምግብ ቤቱ DineHubን እስከተጠቀመ ድረስ በሽያጭ መዝገቡ ውስጥ ይቆያሉ።
• መለያዎች እስኪዘጉ ድረስ ይቆያሉ። አንድ ንግድ DineHubን ትቶ መለያው ሲሰረዝ፣ ልንይዘው ከሚገባን የአስተዳደርና የክፍያ ታሪክ በስተቀር መረጃው አብሮ ይሰረዛል።
• የሰርቨር መዝገቦች የሚቀመጡት አገልግሎቱን ለማስኬድና ደህንነቱን ለመጠበቅ እስከሚያስፈልግ ድረስ ብቻ ነው።

DineHub ስለእርስዎ ምን እንደያዘ መጠየቅ፣ እንዲስተካከል መጠየቅ፣ ወይም እንዲሰረዝ መጠየቅ ይችላሉ።

• በምግብ ቤት የሚሰሩ ከሆነ፦ መለያዎን መቀየር ወይም መዝጋት የሚችሉትን ሥራ አስኪያጁን ወይም የንግድ ባለቤቱን ይጠይቁ። ለእኛም መጻፍ ይችላሉ።
• እንግዳ ወይም የታማኝነት ፕሮግራም አባል ከሆኑ፦ የተጠቀሙበትን ስልክ ቁጥር ጠቅሰው በቴሌግራም ለDineHub ድጋፍ ቻናል፣ @dinehubsupport፣ መልዕክት ይላኩ። ምንም ነገር ከመቀየራችን ወይም ከመሰረዛችን በፊት እርስዎ መሆንዎን እናረጋግጣለን።

በተቻለ ፍጥነት፣ ቢበዛ በ30 ቀናት ውስጥ እንመልሳለን።

DineHub ዕድሜያቸው ከ13 ዓመት በታች ለሆኑ ልጆች የታሰበ አይደለም፤ መረጃቸውንም አውቀን አንሰበስብም። የDineHub አስተናጋጅ መተግበሪያ ዕድሜያቸው 18 እና ከዚያ በላይ ለሆኑ የምግብ ቤት ሰራተኞች ነው።

ይህን ፖሊሲ ስንቀይር አዲሱን እትም ከቀኑ ጋር እዚህ እናወጣለን። ለውጡ አስፈላጊ ሲሆን DineHubን ለሚጠቀሙ ምግብ ቤቶች እናሳውቃለን።

DineHubን የሚመራው Koooly ነው። ስለ መረጃዎ ወይም ስለዚህ ፖሊሲ በቴሌግራም ለDineHub ድጋፍ ቻናል መልዕክት ይላኩ፦ @dinehubsupport።